БҒМ жергілікті атқарушы органдарды оқу жылында балалардың қауіпсіздігін қамтамасыз етуге шақырды

1 Тамыз, 2016 16:32

Білім беру ұйымдарында балалардың қауіпсіздігін қамтамасыз ету мақсатында және білім беру мекемелерінде қауіпсіздікті жақсарту үшін министрлік «Мектепке жол» - «Қауіпсіз мектеп» акциясы аясында компанияны өткізуді бастамашылық етуде, деп ҚР Білім және ғылым министрлігінің Балалардың құқықтарын қорғау комитеті төрағасының міндетін атқарушы Мәншүк Әбдікәрім ОКҚ-да өткен баспасөз-конференциясында мәлім етті.

«Жаңа оқу жылына орай, жергілікті атқарушы органдарды мектептерде балалардың қауіпсіздігін қаматмасыз етуге көңіл бөлуге шақырамыз. Соңғы кездері жарақат алып жатқан, өліммен аяқталған жағдайлар көп орын алуда, сонымен қатар, кәмелетке толмағандарға қатысты құқыққа қайшы әрекеттер болуда. Оқу орындарында болып жатқан оқиғалар көп жағдайда күдік туғызады. Осыған орай, білім беру ұйымдарында балалардың қауіпсіздігін қамтамасыз ету мақсатында және білім беру мекемелерінде қауіпсіздікті жақсарту үшін министрлік «Мектепке жол» - «Қауіпсіз мектеп» акциясы аясында компанияны өткізуді бастамашылық етуде»,-деді М. Әбдікәрім.

Оның айтуы бойынша, ведомствомен ұсыным хаттар жіберіледі. Мысалы, бұл түрлі байқаулар, сынып сағаты, бейне конференциялар, флешмобтар болуы мүмкін.

Ботагөз Айтжанова