Қазақстанда «Мектепке жол» қайырымдылық акциясы 300 мыңға жуық баланы қамтитын болады

1 Тамыз, 2016 16:17

«Мектепке жол» қайырымдылық акциясы 300 мыңға жуық көпбалалы және аз қамтамасыз етілген отбасы балаларын қамтитын болады, деді ҚР Білім және ғылым министрлігі балалар құқығын қорғау Комитеті төрағасының міндетін атқарушы Мәншүк Әбдікәрім Орталық коммуникациялар қызметінде өткен баспасөз конференциясында.

«Дәстүрлі түрде акцияда 70 мың тұлға әрекет етеді. Бұлар қамқоршылық органдарының, ішкі істер органдарының, қоғамдық бірлестіктердің, БАҚ өкілдері және ата-аналар қоғамдысытығының өкілдері»,-деді М.Әбдікәрім.

Оның айтуынша, биыл жергілікті атқарушы органдармен 280 мың адамнан балалар тізімі дайындалды.

«Акция барысында ата-аналардан да өтініштер қабылданады. Акция шеңберінде бірқатар шаралар өткізу қарастырылған. Әр елді мекенде, қожалықтарда, қала сыртындағы саяжайларда, шаруашылықтарда көмекке мұқтаж балаларды агнықтау бойынша арнайы рейд ұйымдастырылады. Бұлар жүйелі түрде оқудан мақұрым қалған панасыз, қадағалаусыз балалар, нашар отбасының балалары. Рейд негізінде жеке тізім құрылатын болады. Акцияны өткізу кезеңінде сенім телефоны мен қоғамдық қабылдаулар жұмыс істейтін болады»,-деді М.Әбдікәрім.

Еске сала кетейік, 1 тамыздан бастап 9-шы жыл сайынғы аз қамтамасыз етілген және көп балалы отбасы балалрына жәрдемдесу мақсатында оқу жылының басында «Мектепке жол» қайырымдылық акциясы іске қосылады. Акция еліміздің барлық аймақтарында жүреді. 8 жылда 2 млн бала қажетті көмекке қол жеткізді.

Ботагөз Айтжанова

Барлық жаңалықтар