Б. Аяған: Қазақстанды ауқатты мемлекеттің қатарына жатқызуға болады
«Менің көзқарасым бойынша, Қазақстанды ауқатты мемлекеттің қатарына жатқызуға болады. Осыған байланысты нақты белгілер бар және сол бойынша халықаралық шолулар мен аналитика дайындалады. Біріншіден, Қазақстанның экономикалық жетістіктері. Халықаралық ұйымдар Қазақстанды нарықтық экономикасы бар ел ретінде мойындады. Бұл өте маңызды шолу мен нышан. Сонымен қатар, елдің тұрақты валюталық қоры, ал теңгенің доллларға байланысты құлауы – бұл тек мұнай өндіруші елдердің тағдыры ғана емес. Осыған қарамастан, теңге Орталық Азияда нақты валютаның бірі болып қала береді. Содан кейін құрылыс және инвестициялар және олар Қазақстанға келіп, шетелдік инвесторлар үшін Қазақстанның ОА-да ең тартымды мемлекет екендігін көрсетеді»,-деді Б.Аяған.
Оның айтуы бойынша, экономиканың дамуы, қаланың құрылысы, өсуі, емханалар мен мектептер құрылысы көрнекі байқалады.
«Екіншіден, саяси тұрақтылық. Экономикаларын жақсы құрған бірқатар елдер бар, алайда олардың саяси жүйелері көп жағдайда тұрақсыз болып табылады. Бұл жағдайда, Қазақстанда билікті бөлу арқылы саяси тұрақтылықты аңғардым. Әрине, барлық елдер сияқты біздің де өз проблемаларымыз бар. Мысалы, сыбайлас жемқорлық мәселелерін еңсерген жоқпыз. Ол Япония, АҚШ, Германия елдерінде де байқалады»,-деді сарапшы.
Сонымен қатар, оның айтуы бойынша, Қазақстанда күрделі конфессиялық құрылым орын алған.
«Күрделі демографиялық және конфессияаралық құрылымға ие бола отырып, Қазақстанда этникалық немесе діни қақтығыстар болуы мүмкін емес. Олар болуы мүмкін, тек жергілікті, өйткені елдің өкілдері осындай жағдай орын алған кездері тез арада әрекет жасайды. Үшіншіден, Қазақстан шекаралық демаркациялау мен делимитациялау мәселеісн табысты шешті. Әлем бойынша шекаралық қақтығыс мәселесімен тұспа-тұс келетін мемлекеттер саны көп. Қазақстанда бұл мәселе шешімін тапқан»,-деді Б. Аяған.
Сөзін қорытындылай келе, сарапшы, дамудың 25 жылдық тәжірибесіне ие бола отрырып, бәскеге қабілетті елдер қатарына кіру бойынша мақсатқа нақты ілесу керектігін айтып өтті.
Ботагөз Айтжанова
