Қазақстанда коммуналдық меншіктен 142 нысан сатылды – Қаржы министрлігі
29 Шілде, 2016 16:24
Жекешелендірудің екінші толқынын жүзеге асыру аясында коммуналдық меншіктің 142 нысаны сатылды, деп хабарлады Қаржы министрлігінің баспасөз қызметі.
2014 - 2020 жылдарға арналған сату кестесіне сәйкес сатуға 1008 объекті жоспарланған. 2014 жылдың маусым - 2016 жылдың шілдедегі кезеңінде 509 объекті жекешелендіруге жатады. 2016 жылдың 27 шілдедегі жағдайы бойынша іс жүзінде саудаға 487 объекті шығарылды, оның ішінде 288 объекті сатылды, республикалық меншік бойынша - 19, коммуналдық меншік бойынша - 142, ӘКК - 75, холдингтер бойынша - 52.
Коммуналдық меншік бойынша барлығы 2014 - 2020 жылдарға арналған сату Кестесі бойынша 493 объектінің сатылуы белгіленді. 2014 жылдың маусым - 2016 жылдың шілдедегі кезеңінде 248 объекті жекешелендіруге жатады. Іс жүзінде 27 шілдедегі жағдайы бойынша 243 объекті шығарылды, соның ішінде 142 объекті сатылды.
