• Басты
  • Қазақстандық десантшылар Армия халықаралық ойындары – 2016 сайысында көш бастады
29 Шілде, 2016 20:36

Қазақстандық десантшылар Армия халықаралық ойындары – 2016 сайысында көш бастады

Армия халықаралық ойындары – 2016 сайысындағы қазақстандық құраманың алғашқы жеңісі Армия халықаралық ойындары – 2016 додасы алаңынан алғашқы нәтижелер де белгілі болды, деп хабарлады Қорғаныс министрлігінің баспасөз қызметі.
Қазақстандық  десантшылар  Армия халықаралық ойындары – 2016 сайысында көш бастады

Қазақстанның десантшылары Новороссийскідегі «Раевский» полигонында «Десанттық взвод» халықаралық байқауы бірінші кезеңінің көшбасшылары атанды. Қазақстан, Ресей, Белоруссия, Қытай, Иран, Мысыр, Венесуэланың құрамасы мен ӘДД ардагерлерінен құралған ААФЕҚО командасы Ми-8 тікұшағынан парашюттік десанттауды, жиналуды және 10 шақырымдық марш жүгіруді орындады.

Сайыс қорытындысы бойынша Қазақстанның десантшылары бірінші орынға ие болды. Жерге қону алаңындағы жиналу бойынша Қазақстан үздік нәтиже көрсетті. Командамыздың артынан Қытай және Ресей табан тіреді. Әрі қарай Мысыр, Иран, Беларусь және Венесуэланың командалары жайғасты.

Бұл командамыздың сенімді бастамасы. Алда сайыстың тағы да бірнеше күрделі кезеңдері тұр. Алайда, аралық қорытындыны негізге ала отырып, әрі қарай жарыстағы негізгі бәсеке алғашқы үш команданың арасында күшейе түседі деген болжам бар.

Қатысушыларға экипаждарсыз взводтың спринтін орындауға, сулы учаскені жүзе отырып, атыс қаруынан оқ атуға тура келеді. Одан басқа, сайыс жүзе отырып, десанттың ұрыс машинасында (бронетранспортерында) оқ атумен қудалау жарысы, таулы эстафета, атыс қаруынан, гранатаатқыштардан оқ ату, жүзе отырып, сулы учаскені еңсерумен дәлдікке граната лақтыру, ал соңында дәлдікке жеке секіру түріндегі әскери сынақтар дайындауда.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды