• Басты
  • Әскери қызметшілер «Достастық жауынгері» байқауына қатысу үшін сайысқа түсті
29 Шілде, 2016 10:17

Әскери қызметшілер «Достастық жауынгері» байқауына қатысу үшін сайысқа түсті

36352 әскери бөлімінің базасында «Спасск» оқу-жаттығу орталығында «Достастық жауынгері» достастық армиясы әскери қызметшілерінің әскери-кәсіби шеберлігінің VIII халықаралық байқауына қатысу үшін үміткерлерді іріктеу өтуде, деп хабарлады Қорғаныс министрлігінің баспасөз қызметі.

Әскери қызметшілер «Достастық жауынгері» байқауына қатысу үшін сайысқа түсті | Strategy2050.kz

Команданы іріктеу және дайындау үш кезеңде өтуде. Ең алдымен өңірлік қолбасшылықтар мен әскер тектерінің ауқымында өткізілген байқау жеңімпаздары арасынан төрт адамнан 3 команданы таңдайды. Іріктеуден өткен үміткерлер бір ай бойы байқау бағдарламасы бойынша практикалық дайындықтан өтеді. Шешуші іріктеуден кейін бір ғана команда қалады. Сол команда «Достастық жауынгері» байқауында өнер көрсетеді.

Конкурс 2016 жылғы қыркүйектің 4-і мен 10-ы аралығында Ресейдегі Мәскеу облысының «Алабино» полигонында өтеді. «Достастық жауынгері» – сержанттар мен сарбаздар лауазымдарында келісімшарт бойынша әскери қызмет өткеріп жүрген әскери қызметшілердің сайысы. Жарыстың негізгі мақсаттары мен міндеттері – ол әскери қызметшілердің дене даярлығының деңгейін арттыру, салауатты өмір салтын насихаттау, жеке құрамның жеңіске деген талпынысын, жоғары физикалық жүктемелер мен жүйке-психикалық шиеленіске төтеп беру қабілеттілігін ояту, әскери қызметшілерді жоғары кәсіби және мемлекеттік даярлыққа ынталандыру болып табылады.   

Дәстүрлі түрде байқау бес кезеңнен тұрады. Онда қатысушылар өздерінің физикалық күштері мен ептіліктерін, кәсіби шеберліктерін, оқ ату даярлықтарын, сондай-ақ, әскери тарихты білу және шығармашылық дарындылықтарын көрсетуі тиіс.

Былтырғы жылы «Достастық жауынгері» Қазақстанда өткен болатын. Ол кезде қазақстандық әскери қызметшілер Армения, Беларусь, Қырғызстан, Ресей Федерациясы және Тәжікстанның командаларынан оза шапты. Байқаудың абсолютті жеңімпаздары атанып, барлық аталымдарда бірінші орынды иеленді.  

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды