• Басты
  • Шығыс Қазақстан облысындағы жоғарғы вольтты электр желісінің бірінші кезеңі мерзімінен бұрын аяқталады
27 Шілде, 2016 19:37

Шығыс Қазақстан облысындағы жоғарғы вольтты электр желісінің бірінші кезеңі мерзімінен бұрын аяқталады

«Самұрық-Қазына» АҚ (бұдан әрі – Қор) басқармасының төрағасы Өмірзақ Шөкеев Шығыс Қазақстан облысында болып, Қордың еншілес компанияларының қатысуымен іске асырылып жатқан бірнеше жобамен танысты.
Шығыс Қазақстан облысындағы жоғарғы вольтты электр желісінің бірінші кезеңі мерзімінен бұрын аяқталады | Strategy2050.kz

Ол түске дейін «KEGOC» АҚ-ның Семей қаласында орналасқан өндірістік нысанында «Солтүстік – Шығыс – Оңтүстік» жоғарғы вольтты желі құрылысына жұмылдырылған бас мердігерлер өкілдерінің қатысуымен кеңес өткізді. Жобаның қиындығына қарамастан «Екібастұз – Шүлбі ГЭС-і (Семей) – Өскемен» жоғары вольтты электр желісін тарту жөніндегі жобаның бірінші кезеңі мерзімінен бұрын аяқталады деп жоспарланған. Жоба 2017 жылы емес, биылғы жылы тәмамдалады, деп хабарлады ұлттық компанияның баспасөз қызметі.

«KEGOC» АҚ Басқарма төрағасы Бақытжан Қажиев хабарлағандай, компанияда әріптестермен бірге жұмыс кестелеріне, материалдар мен жабдықтар беру мерзімдеріне мұқият талдау жасалды және жобаның бірінші кезеңін іске асыруды жеделдету мүмкіндіктері қарастырылды. Барлық құрылыс-монтаж жұмыстарын осы күзде аяқтау жоспарланып отыр. Екібастұз – Шүлбі ГЭС-і (Семей) – Өскемен желісінің жабдықтарын кешенді сынақтан өткізгеннен кейін пайдалануға енгізу жоспарлануда.

Бұл жоба желілердің өткізу қабілетін ұлғайтуға, Шығыс Қазақстан облысындағы электр энергиясы тапшылығын жоюға, және елдің энергетикалық қауіпсіздігін қамтамасыз етуге септігін тигізеді. Болашақта жаңа транзит Ертіс ГЭС каскадының толық қуатының берілуін қамтамасыз етеді. Жоғарғы вольтты электр желісі құрылысының бірінші кезеңінің құны 43,3 млрд теңге. Жобаны қаржыландыратын «KEGOC» АҚ.

Түстен кейін Өмірзақ Шөкеев Өңірлерді дамытудың 2020 жылға дейінгі бағдарламасы бойынша салынып жатқан объект – Есенберлин даңғылының бойындағы коммерциялық үй-жайлары бар көп пәтерлі тұрғын үйлер кешенінде болды.

«Самұрық-Қазына» жылжымайтын мүлік қоры қаржыландыратын жобалардың әлеуметтік маңызы бар. Олар азаматтар үшін қол жетімді тұрғын үйлер салуға, жаңа жұмыс орындарын құруға, сондай-ақ тұтастай өңір әлеуетін арттыруға мүмкіндік береді», - деді «Самұрық-Қазына» АҚ басқармасының төрағасы Өмірзақ Шөкеев.

 «Самұрық-Қазына» жылжымайтын мүлік қоры» АҚ басшысы Бауыржан Мамытәлиев баяндағандай, тұрғын үй кешенін ағымдағы жылдың үшінші тоқсанында пайдалануға енгізуді жоспарланып отыр.  Жаңа объект – бұл 14 секциядан тұратын 9 қабатты ғимарат. Болашақ тұрғын үйдің жалпы ауданы 39,3 мың шаршы метрді (658 пәтер) құрайды, сондай-ақ 1,2 мың шаршы метр коммерциялық үй-жайлар салынатын болады. Құрылыс графикке сәйкес жүріп жатыр және талап етілетін стандарттарға сай. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды