• Басты
  • 90 әскери қызметші мен олардың отбасыларына пәтер кілті табыс етілді (ФОТО)
27 Шілде, 2016 14:32

90 әскери қызметші мен олардың отбасыларына пәтер кілті табыс етілді (ФОТО)

Қазақстанның шығысындағы Аягөз гарнизонында 90 әскери қызметші мен олардың отбасылары жаңа қоныс иегерлері атанды, деп хабарлады Қорғаныс министрлігі.

90 әскери қызметші мен олардың отбасыларына пәтер кілті табыс етілді (ФОТО) | Strategy2050.kz

Мұнда күрделі жөндеуден кейін тұрғын үй пайдалануға берілді. «Шығыс» өңірлік қолбасшылығы әскерлерінің қолбасшысы генерал-майор Нұрлан Қашағанов Елбасының Қазақстан халқына жолдауында әскери қызметшілерді әлеуметтік қолдауға үнемі баса назар аударатынын атап өтіп, әскери қызметшілер мен олардың жанұяларын қоныс тойларымен құттықтады. 02352 әскери бөлімі инженерлік қоршау ротасының аға маман-сапері ефрейтор Талғатбек Қалиев үшін бұл күн ерекше болды.

Жан жарымен бірге әскери қызметші тоғыз баланы өсіріп, тәрбиелеуде. «Шығыс» ӨңҚ қолбасшысы отбасыға пәтер кілтін табыстап, теледидар сыйға тартты. «Біздің отбасы үшін бұл маңызды оқиға. Біз және бала-шағамыз жаңа, жарық және жайлы пәтерге қоныс аударғанымызға қуаныштымыз», - дейді әскери қызметші. Әскери қызметшілерді қызмет өткеру орындарында сапалы тұрмыстық жағдаймен қамтамасыз ету бүгінгі күні ерекше көңіл бөлініп отырған Қорғаныс министрлігі қызметі бағыттарының бірі болып табылады.

Жыл сайын еліміздің түкпір-түкпірінде күрделі құрылыс, күрделі жөндеу және сатып алу арқылы ондаған мың шаршы метр баспана пайдалануға беріліп жатыр. 2016 жылы 1 639 пәтерді тапсыру жоспарланған. Астана (Қырқыншы ст.), Ақтау, Семей, Алматы, Аягөз, Үшарал қалаларындағы, сондай-ақ, Б. Момышұлы, Сарыөзек, Арнасай кенттері және Гвардейск қүк. әскери қызметшілер жаңа баспанаға ие болады. 


 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды