• Басты
  • БЖК: Павлодарда жұмысқа орналасуға жәрдемдесетін мобильдік қосымша жарыққа шықпақ
26 Шілде, 2016 10:14

БЖК: Павлодарда жұмысқа орналасуға жәрдемдесетін мобильдік қосымша жарыққа шықпақ

Павлодарда жұмысқа тұруға арналған мобильдік қосымшаны іске қосу жоспарланып отыр. Облыс әкімі Болат Бақауовтың қатысуымен өткен кәсіпкерлік мәселелері жөніндегі аймақтық үйлестіру кеңесінде осы және тағы 6 жоба мақұлданды, деп хабарлады облыс әкімдігі.
БЖК:  Павлодарда  жұмысқа орналасуға жәрдемдесетін мобильдік қосымша жарыққа шықпақ

Жоба әзірлеушілердің идеясы бойынша бұл мобильдік қосымша арқылы павлодарлық нарықтағы барлық бос жұмыс орындары мен қызмет көрсету туралы ұсыныстарды бір дерекқорға жинауға болады.   Оған қоса, бұл бағдарлама пайдаланушыға қажетті жұмыс орнының пайда болуы немесе қажетті маман туралы хабарлама жіберетін болады.

«Мысалға, электрикті жұмысқа алу жөнінде хабарландыру пайда болысымен осы жұмысқа қызығушылық танытқан пайдаланушыға push-хабарлама келетін болады», - дейді жоба авторы Әнуар Жұмаділов. «Дизайнерге немесе басқа сала маманына өз хабарламасы келеді, яғни, бұл жерде мақсатты бағыттылық болады».

IT- мамандар аталмыш қосымшаны «Бизнестің жол картасы 2020» бизнесті қолдау және дамыту бағдарламасы аясында өтеусіз грант алған соң іске қосуды жоспарлап отыр. Грантқа қол жеткізуге 89 кәсіпкер үміттенген болатын. Конкурстық комиссия Павлодар облысына 20 миллион теңге бөлінгенін есепке ала отыра, сегіз жобаны таңдап алды. Олардың ішінде ащытқысыз нан пісіру, киізден киім жасап шығару, жарықдиодты шамдалдар өндірісі және басқа да жобалар бар. Олардың әрқайсысы 3 миллион теңгеден алатын болады.

Аймақ басшысы жобаларды кәсіпкерлік мәселелері жөніндегі аймақтық үйлестіру кеңесіне бекітуге бермес бұрын бұл жобалардың жұмыс істейтініне көз жеткізу қажет екенін атап айтты. 

«Грант алуға ұсынылған жобаларды тексеру керек. Орындардағы басшылар бұл жобалардың бұдан былай жұмыс істейтініне кепілдік берулері тиіс. Жобаны не күтіп тұрғанын анық білулері және ол жобалық қуатқа шыққанға дейін жобаны сүйемелдеулері  қажет».

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды