Ж.Асанов: Бас прокуратураның араласуымен 40 мың жұмысшы ала алмай жүрген 4 млрд. теңге еңбек ақыларына қол жеткізді (ФОТО)
22 Шілде, 2016 10:32
ҚР Бас прокуратурасының араласуымен 2016 жылдың бірінші жарты жылдығында 40 мың жұмысшы ала алмай жүрген 4 млрд. теңге еңбек ақыларына қол жеткізді, деп хабарлады Бас прокурор Жақып Асанов ведомствоның кеңейтілген алқа отырысында.
«Кейбіреулер бізді жазалаушы орган деп есептейді» Олар үшін біз тек кінәлаушымыз. Прокуратура бүгінгі таңда алдымен құқық қорғау органы»,-деді Ж.Асанов.
Оның айтуынша 2016 жылдың бірінші жарты жылдығында прокурорлар 360 мың адамның құқығын қорғап қалды. Оның жартысы балалар.
«Біздің әрекет етіп араласуымыздың арқасында 40 мың жұмысшы ала алмай жүрген 4 млрд. теңге еңбек ақыларына қол жеткізді. 2,5 мың мүгедек жан жұмысқа орналастырылды, прокурорлардың талап етуімен 154-і мемлекеттік тұрғын үй алды»,-деп атап өтті ҚР Бас прокуроры.
Анар Тәңірқұлова
Суретке түсірген Азамат Әлиев
