Білімнің жаңа мазмұны балалардың бүгінгі қоғам талаптарына жауап берулеріне мүмкіндік береді - сарапшы

«Заманаи әлем – өте күрделі. Жыл сайын ақпарат екі есеге артады. Біздің бүгінгі өмірімізде бізге ұнайтын да ұнамайтында көптеген оқиғалар болып жатыр. Егер әр оқиға жеке пән ретінде қарастырылса, бағдарламаның қандай болатынын өздеріңіз бағамдай беріңіздер. Өткен ғасырдың 80 жылдарының өзінде ілгері кеткен елдер өздерінің білім беру салаларында жаңа пән дайындаудың қажет еместігін түсінді. Қазір әлем өте жылдам қарқынмен өзгеріп жатыр. Оның бәрін оқу бағдарламасында қамту мүмкін емес»,-деді С.Ирсалиев.

Оның айтуынша, елдің дамуы басқа жолмен кетті: балаға мына толассыз ақпарат ағынында өз еркімен бағытын айқындау үшін, ақпараттарды сүзгіден өткізуге, оны талдауға және өз өмірінде пайдалысын тиімді қолдануға мүмкіндік беретін білім жүйесі жасалды.

«Осының бәрі әлемде өткен ғасырдың 80 жылдарының аяғында болды. 1997 жылы олар осындай білі м беру парадигмасына көшті. 2000 жылы PISA деп аталатын құралды ойлап тапты. Әр үш жыл сайын біз оны зерттеп келеміз. Біз ол уақытта үлкен елдің құлау жағдайында өмір сүрдік және біздің мақсатымыз миүлде басқаша болды. Біз қиын жағдайларды бастан өткере жүріп, өз білім жүйемізді қалыптастырдық, жасадық. Сол кезде жоғарыда айтқан патадигманы жіберіп алдық. Қазір шамамен 20 жылға артта қалдық»,-деп түсіндірді ол.

Орталық басшысы Қазақстанның осы жылдың 1 қыркүйегінен бастап білімнің жаңа мазмұнына өтетінін еске салды.

«Білімнің жаңа мазмұны біздің балаларға мына әлемде дұрыс бағдарлануға, өздерінің талдау жасауларына, айналада не болып жатқанын және бұл жағдайларда дұрыс шешімді қалай табуға мүмкіндік беретін жаңа жүйені осы қыркүйекте тек 1 сыныпқа енгізетін боламыз. Бүгінгі қоғамның барлық талабына жауап бере беретін пәндерді мектеп бағдарламасына енгізу мүмкін емес. Одан да жаңа мазмұндағы білімді енгізген әлдеқайда маңызды»,-деп қортты сөзін сарапшы.

Анар Тәңірқұлова