Қазақстан Елшісі Тәжікстанның Президентіне сенім грамоталарын табыс етті
20 Шілде, 2016 09:13
Қазақстан Республикасының Тәжікстан Республикасындағы Елшісі Нұрлан Сейтімов Тәжікстан Республикасының Президенті Эмомали Рахмонға сенім грамоталарын табыс етті, деп хабарлады СІМ.
Рәсімнен кейін өткен кездесуде Қазақстан мен Тәжікстанның екіжақты қарым-қатынастарының жай-күйі мен келешегі талқыланды.
Э. Рахмон Қазақстанмен қарым-қатынастарды одан әрі ілгерілетуге және дамытуға Тәжікстан зор маңыз беретінін атап өтті. Тәжікстан мен Қазақстан арасындағы жоғары деңгейдегі екіжақты және көпжақты қарым-қатынастар Тәжікстанның тәуелсіздік жылдарындағы құнды жетістіктердің бірі болып отыр.
Сұхбат соңында Н. Сейтімов Тәжікстанның Президентіне кездескені үшін алғысын білдіріп, екі жақты қарым-қатынастарын нығайтуға және тереңдетуге бар күш-жігер салатынын растады.
