К.Мәсімов «Бәйтерек» холдингінің директорлар кеңесінің отырысын өткізді
19 Шілде, 2016 13:46
ҚР Премьер-Министрі, директорлар кеңесінің төрағасы Кәрім Мәсімовтің төрағалығымен «Бәйтерек» Ұлттық басқарушы холдингі» АҚ директорлар кеңесінің кезекті отырысы өтті.
Күн тәртібінде холдингтің компаниялар тобын одан әрі дамытуға қатысты бірқатар мәселелер қаралды, деп хабарлады pm.kz.
Директорлар кеңесі «Бәйтерек» Холдингінің 2014-2018 жылдарға арналған түзетілген Дамыту жоспарын бекітті.
«Дамыту жоспарын түзетудің негізгі себептері Мемлекет басшысының тапсырмаларына сәйкес 2016-2017 жылдары экономикалық өсімді ынталандыру және жұмыспен қамтамасыз ету бойынша қосымша шараларды жүзеге асыру, тұрғын үй құрылысына кепілдік беру бағдарламасын іске асыру болып табылады», - деп түсіндірді АҚ басқарма төрағасы.
