ҚР Президенті Алматыда болған терактіде қаза тапқандардың отбасыларына көңіл айтты
18 Шілде, 2016 19:48
Қазақстан Президенті Қауіпсіздік кеңесі барысында Алматыдағы оқиғада қаза болғандар мен зардап шеккендердің отбасыларына көңіл айтты және оларға мемлекеттік органдардың барлық қажетті көмекті көрсетуін тапсырды.
«Бүгін Алматыда, өкінішке қарай, тағы да адам құрбандығына ұшыратқан террорлық акт болды. Зардап шеккендер мен қаза болғандардың жақындарына көңіл айтамын, оларға тиісті психологиялық және материалдық қолдау көрсету керек. Сондай-ақ құқық қорғау органдарына қаладағы құқық тәртібін қамтамасыз ету тұрғысынан барлық қажетті шараны қабылдауды тапсырамын», – деді Нұрсұлтан Назарбаев.
