Әлеуметтік медициналық сақтандыру аясында жеткізушілер қызметінің критерилері бірдей болады - ДСӘДМ

«Жеткізушілерді іріктеу ашық болады. Жеткізушілерді іріктеу критерилері бірдей болады. Медициналық көмек көрсету бойынша МӘМС жүйесінде қызметті сатып алу құқығына денсаулық сақтау саласының субъектілері ие болатын болады. Айталық, денсаулық сақтау саласындағы өткен акредитацияға жауап береді, сонымен қатар, медициналық көмек көрсету тәжірибесі үздіксіз 3 жылдан кем болмауы тиіс. Медициналық ұйымдардың қатысуына шектеу жоқ»,- делінген ҚР Денсаулық сақтау және әлеуметтік даму министрлігінің хабарламасында.

Ведомствоның мәліметі бойынша, 2016 жылға 246 жеке медициналық ұйыммен келісімдер бекітілген.

МӘМС енгізумен медициналық қызмет көрсететін жеке медициналық ұйымдардың саны артатынын болжап отыр министрлік.

Министрлік растағандай, Қордың жаңа моделінде макроэкономикалық құралдар тепе-теңдігі мен ұйымдардың тұрақтылығын қамтамасыз ету, сондай-ақ, жүйедегі іріктеуді ашықтығы мен қаржыны бөлу мәселелері тыянақты қаралған.

Ведомстводан растағандай, транспоренттілік – МӘМС жүйесінің негізгі қағидаттарының бірі. Қаржыны аккумилирациялау, келісім үдерістерін бекіту, тарифтерді бекіту сияқты мәселелер қоғамдық ұйымдардың, Ұлттық кәсіпкерлер палатасының қатысуымен жоспарланады.

Еске сала кетейік, міндетті әлеуметтік медициналық сақтандыру Қазақстанда Мемлекет басшысының 5 институционалдық реформаны жүзеге асыру аясында «100 нақты қадам» Ұлт жоспарының 80 қадамын іске асыру және 2016-2019 жылдарға арналған «Денсаулық» денсаулық сақтау бағдарламасын жүзеге асыруға бағытталған. «Міндетті әлеуметтік медициналық сақтандыру туралы» ҚР Заңына Президент 2015 жылдың 16 қарашасында қол қойған.

Ботагөз Айтжанова