ОҚО делегаттары Малайзияда IT-технологияларды енгізу тәжірибесімен танысты

18 Шілде, 2016 13:16

Оңтүстік Қазақстан облысынан бір топ делегация «Ontustik Invest – 2016» форумы аясында түзілген келісім бойынша Малайзия мемлекетіне іскерлік сапармен барып келді, деп хабарлады облыс әкімдігінің баспасөз қызметі.

Аталған іскерлік сапардың негізгі мақсаты - облыстың экономикасына Малайзиялық инвесторларды тартып, іске қосылған жобалармен танысу болатын. Сондай-ақ, сапар барысында Малайзия мемлекетінде кең қолданысқа ие болып жатқан инновациялық медициналық тестерлерді Оңтүстік Қазақстанда шығару мәселелері талқыланды.

Қазақстандық делегация іскерлік сапар аясында денсаулық сақтау, құрылыс, ірі нысандарды модернизациялау, білім беру және қоғамдық тәртіпті бақылау салаларына IT-технологияларды енгізу тәжірибесімен танысты.

Сонымен қатар, олар CIDB Malaysia, KLIA Holdings, RVR Diagnostics, CYBERTECH Security, Unitab Medic, Takaful Malaysia, Tandem TVS, Najcom SDN BHD секілді ірі компания өкілдерімен кездесіп, тәжірибе алмасты.

Малайзия мемлекетіне жасаған жұмыс сапарының қорытындысы бойынша делегациялар арасында екіжақты жемісті диалог орын алып, өзара ынтымақтастық бойынша келісімге қол жеткізілді.

Барлық жаңалықтар