Қазақстанға Дүниежүзілік кедендік ұйым өкілдігі келді
28 Қараша, 2013 12:23
Бүгін, 28 қараша Қазақстанға Дүниежүзілік кедендік ұйым өкілдігі Қазақстандағы Уәкілетті экономикалық операторлар институтының қызметіне сараптама жасау үшін келді. Бұл туралы ҚР Қаржы министрлігі Кедендік бақылау комитетінің баспасөз қызметі хабарлады.
«Өкілдіктің басты мақсаты Қазақстандағы Уәкілетті экономикалық операторлар институтының қызметіне сараптама жасау, оның халықаралық пішінге сәйкес келуі, сондай-ақ, одан әрі даму жоспарын құрастыру», - делінген хабарламада.
Сарапшылардың пікірінше, бүгінгі таңда бұл үрдіс халықаралық тәжірибенің нығаюы мен мемлекет пен бизнес ынтымақтастығын арттырады. Сондай-ақ, кедендік қызметтің шектелген ресурстарын пайдалануға мүмкіндік береді.
УЭА 2013 жылдың 9 айы бойынша, өкілетті экономикалық операторлар жасаған импорт ауқымы өткен жылдың көрсеткішімен салыстырғанда 93 пайызға өскен. Сондай-ақ, импорттың сандық көрсеткіші 143 пайызға өскен. Ал УЭА кедендік салық төлеу құны 82 пайызға өсті.
