Б.Сағынтаев Қырғызстанның вице-премьерімен екі елдің энергетика жүйесінің тұрақты жұмысын қамтамасыз ету мәселелерін талқылады

Кездесу барысында екі жақты қарым-қатынастың, Еуразиялық экономикалық одақ аясындағы байланыстың түрлі мәселелері қаралды.

Тараптар сауда-экономикалық серіктестік аспектілерін, екі елдің энергетика жүйесінің тұрақты жұмысын қамтамасыз ету мәселелерін талқылады. Көлік-жол саласына қатысты тараптар автокөлік және теміржол байланысын дамытуға күш салуға уағдаласты, pm.kz.

Одан бөлек Бақытжан Сағынтаев пен Олег Панкратов фитосанитарлық талаптарды сақтай отырып  өзара тасымалданатын ауыл шаруашылық өнімдерінің көлемін арттыру мүмкіндіктерін, су жеткізу, көші-қон, ауыл шаруашылығы мен қоршаған ортаны қорғау саласындағы серіктестік мәселелерін қарастырды.

Келіссөздер барысында тараптар тауарлар мен қызметтер, көлік-жол, энергетика, туризм сынды салаларда екі елдің өзара байланысын нығайтуға ниетті екендіктерін білдірді.