Астанада Каспий теңізінің құқықтық мәртебесі туралы конвенциясын әзірлеу жөніндегі арнайы жұмыс тобының отырысы өтті

Келіссөздерге  Әзербайжан Республикасының (басшысы Х.А.  Халафов), Иран Ислам Республикасының (басшысы Э. Рахимпур), Қазақстан Республикасының (басшысы З.А. Аманжолова), Ресей Федерациясының (басшысы И.Б. Братчиков) және Түрікменстан Республикасының (басшысы М.Г. Атаджанов) делегациялары қатысты. Қазақстан Республикасының Сыртқы істер министрлігінің Ерекше тапсырмалар жөніндегі елшісі З.А. Аманжолова отырыста төрағалық етті.

Отырыстың ашылу барысында Қазақстан Республикасының Сыртқы істер министрі Ерлан Ыдырысов құттықтау сөзін сөйледі. Өз сөзінде Каспий маңы мемлекеттерініңСыртқы істер министрлері кеңесінің қарсаңында өтіп жатқан астаналық отырыстың маңыздылығын, сондай-ақ Қазақстан Республикасында  жоспарланған Бесінші Каспий саммиті барысында қол қою үшін Каспий теңізінің құқықтық мәртебесі туралы конвенцияны түбегейлі келісуге толық толық күш-жігерін салу қажеттілігін атады.

Отырыстың басты тақырыбы Каспий теңізінің құқықтық мәртебесі туралы конвенция жобасының келіспеген ережелері бойынша ортақ амал-тәсілдер мен тұжырымдамаларды әзірлеу және Каспий маңы мемлекеттерініңСыртқы істер министрлері кеңесіне дайындық болды.

Делегациялар келіссөздер қорытындысына оң баға беріп, кездесуді жоғары деңгейде ұйымдастырғаны үшін Қазақстан Республикасына  алғыс айтты.

Арнайы жұмыс топтың келесі отырысы Иран Ислам Республикасында өтеді. Оның өту мерзімі дипломатиялық арналар арқылы келісілетін болады.