Е.Досаев пен Б.Эндрюс екі жақты әріптестіктің перспективаларын талқылады
12 Шілде, 2016 19:41
«Бәйтерек» ұлттық басқарушы холдингінің Басқарма төрағасы Ерболат Досаев АҚШ-тың сауда министрінің бірінші орынбасары Брюс Эндрюспен кездесу өткізді, деп хабарлады ведомство.
Тараптар ынтамақтастықты одан әрі даму перспективаларын талқылады. Өз кезегінде Ерболат Досаев Қазақстанда іске асырылып жатқан жекешелендіру бағдарламасы туралы айтты. Холдингтің Төрағасы аталған бағдарламаның ЭЫДҰ елдерінің стандартына сәйкес, экономикадағы мемлекеттік меншік үлесін ЖІӨ-нен 15%-ға дейін төмендетуге септігін тигізетіндігін түсіндірді.
Жекешелендірудің кешенді жоспарын іске асыру үшін «Бәйтерек» холдингі жанынан жобалық офисі мен бәсекелі ортаға беруге ұсынылған активтер туралы барлық қажетті ақпараттар орналастырылған деректер базасы құрылған.
Кездесу қорытындысы бойынша тараптар іскерлік әріптестікте АҚШ компаниялары мен Холдинг арасындағы ынтымақтастықты одан әрі жалғастыруға уағдаласты.
