ҚР Бас прокуратурасы маман іріктеудің жаңа жолдарын атады (БЕЙНЕ)

«30 маусымда бас прокуратура прокуратура органдарына мамандарды іріктеудің жаңа жолдарын таныстырды. Таныстырылым Назарбаев Университетінде өтті. Бұл жаңа іріктеу жолдарының мақсатында біріншіден, іріктеу сапасын арттыру, үміткердің тұлғалығын тереңірек тану; екіншіден – прокуратура органдарындағы қызметте субъективті факторларды мейлінше азайту»,-деді А.Огай.

Оның айтуынша, байқау кезеңдерінде үміткерлер төрт тапсырманы орныдайтын болады.

«Олар бір сағаттың ішінде 500 сөз аясында өздерінің жеке өмірлік тәжірибелерін жазулары керек. Екінші – 2 сағатта 500 сөзден тұратын алдыңғы тақырып жөнінде эссе жазулары керек. Үшінші – ситуациялық жағдайдан шығуда шешім қабылдауы керек. Бұл жерде 90 минуттың ішінде үш тапсырманы шешулері қажет. Төртінші – психологиялық зерттеу. Онда психологиялық тесттен өтеді және психологпен әңгімелесу болады»,-деп түсіндірді ол.

Департамент бастығы жұмыс бағасы сарапшылардың тәуелсіздігімен жүргізіледі. Яғни, олар кімді бағалап отырғандарын білмейтіндей жағдайда жасалады, деп атап өтті.

Анар Тәңірқұлова

Бейне: Азамат Әлиев