Н.Жұмат: «Алаш» порталы мұнай-газ саласында қазақстандық қамтуды арттыруға көмектеседі

«Алаш» жеткізушілердің мәліметтер базасы ТШО, КПО және НКОК ірі халықаралық мұнай-газ компанияларының тікелей қатысуымен ҚР энергетика министрлігінің бастамасымен құрылды. Ол 2012 жылдың қыркүйек айында «Бірлескен әрекет туралы Ақтау декларациясы» аясында жасалынды.

Оның айтуы бойынша, «Алаш» порталы Қазақстандағы мұнайгаз саласының 3 басты тараптарының мүдделері тоғысқан жер.

«1-тарап – мемлекет; ол 20 жыл бойы мұнайгаз жобаларында жергілікті үлесті арттыру бағытында мүмкіндіктер жасап келді. 2-тарап – тапсырыс беруші; білікті сенімді тауар және қызмет жеткізушілерін таңдау мәселесін жүйелі түрде шешуге мүдделі ірі мұнайгаз операторлары. 3 –тарап – тауар не қызмет түрлерін жеткізушілер; әлеуетті тапсырыс берушілерге тікелей шығу мүмкіндігін іздеген кәсіпкерлер. Осы 3 тараптың мүддесі бір жүйеде «Алашта» көрініс тапты»,-деді ол.

«Алаш» порталы мұнайгаз саласындағы сатып алу процесін едәуір жеңілдетіп, ашық ете түседі. Әрі бұл процестің жылдам жүруіне жағдай жасайды.

«Мұндай артықшылықтарынан бөлек, «Алаш» порталының және бір үлкен ерекшелігі: портал тапсырыс-беруші компанияларды жергілікті үлесті арттыру бағытындағы Үкімет тапсырмасын жүзеге асыруға бір табан жақындатады»,-деді ол.

Анар Тәңірқұлова