• Басты
  • ҚТЖ: Алматы-1-Шу темір жол телімінің екінші желісінің құрылысы кесте бойынша жүргізілуде
12 Шілде, 2016 15:07

ҚТЖ: Алматы-1-Шу темір жол телімінің екінші желісінің құрылысы кесте бойынша жүргізілуде

11-шілдеде «Қазақстан темір жолы» ҰК» АҚ президенті Асқар Мамин «Нұрлы жол» бағдарламасы аясындағы құрылыс барысымен танысты, деп хабарлады «ҚТЖ» ҰК» АҚ баспасөз қызметі.
ҚТЖ: Алматы-1-Шу темір жол телімінің екінші желісінің құрылысы кесте бойынша жүргізілуде

«Алматы-1 – Шу екінші темір жол желісі Қазақстанның ең қозғалысы көп тұсында пойыздарды өткізу мүмкіндігін еселеп арттыру үшін қажет.Алматы-1 – Шу екінші темір жол желісі Парсы шығанағы, Еуропа, Түркия, Азия елдеріне бағытталған транзиттік пойыз ағынын өсіру үшін маңызды рөл атқарады»,  - делінген хабарламада.

Компания жетекшісі жоба жөнінде кеңес өткізді.

А. Мамин жобаның маңызы зор екендігін атап өтті. Бұл желі арқылы контейнерлік жылжымалы құрамдар мен жолаушылар пойыздары көптеп жүретін болады. Сондықтан да оның стратегиялық маңызы орасан зор.

Компания басшысына қазіргі таңдағы атқарылып жатқан жұмыстар барысы баяндалды. Оның ішінде бүгінгі күні 210 мың текше метр топырақ қабаты төселді. 7 көпір, 38 су өткізу құбыры, 12 шақырымға рельс торкөзі төселді. Белгі беру және байланыс құрылғылары құрастырылды. 300-ден астам техника, 500 еңбеккер тартылған.

«Бiрлiк» өндірістік кәсіпорнына Ақтөбе рельс арқауы зауытының отандық өнімдері жеткізілуде.

Жүз шақырымдық екінші темір жол желісінің басты бөлігіндегі жолдың жоғарғы қабаты төселді. Желіде 90 жасанды имарат тұрғызылады. Оның ішінде 10 көпір, 80 су өткізу құбыры жасалады. 35 бағыттауыш бұрма салынады.

Биылғы қарашада бірінші өткізу кешенінің 58,2 шақырымын іске қосу жоспарланып отыр.

 

Барлық жаңалықтар