• Басты
  • «ЭКСПО-2017» атын жамылып ақша жинау фактілерін жою үшін «жедел желі» ұйымдастырылды
11 Шілде, 2016 18:46

«ЭКСПО-2017» атын жамылып ақша жинау фактілерін жою үшін «жедел желі» ұйымдастырылды

«Астана ЭКСПО-2017» ҰК» АҚ Басқарма Төрағасы Ахметжан Есімовтың тапсырмасы бойынша Қоғаммен байланыс департаменті «ЭКСПО» атын жамылып заңсыз ақша жинау фактілерін хабарлау үшін арнайы «жедел желі» іске қосты, деп хабарлады Ұлттық компанияның баспасөз қызметі.
«ЭКСПО-2017» атын жамылып ақша жинау фактілерін жою үшін «жедел желі» ұйымдастырылды

Барлық «қауіпті қоңыраулар» міндетті түрде жылдам қаралып, сыбайлас жеимқорлық фактілері барлық мәселелер сәйкесінше өкілетті органдарға жолданатын болады.

Заңсыз ақша жинау фактілерін хабарлау бойынша «жедел желі»: 87023326521 телефонында және дәл осы нөмірде whatsapp жұмыс істейді. Сондай-ақ, hotline@expo2017astana.com электрондық поштасына жіберуіңізге болады.  

Айта кету керек, үстіміздегі жылдың 29 маусымында өңірлермен жұмыс істеу мәселелеріне қатысты өткізілген кеңейтілген кеңес барысында Ұлттық компания басшысы Ахметжан Есімов Халықаралық мамандандырылған көрмеге халықтан ақша жинау туралы әңгімені жоққа шығарды.

«ЭКСПО тұрғындардан тікелей не жергілікті билік органдары арқылы, тіпті полиция қызметкерлері көмегімен ешқашан ақша жинаған емес. Оның үстіне, жобаның құны соңғы айлар көлемінде 130 млрд теңгеге қысқартылды» , - деді А.Есімов.

Барлық жаңалықтар