ҰЭМ вице-министрі Шанхайдағы G20 Сауда министрлерінің кездесуіне қатысты

Айта кетейік,«Жиырмалық тобы» («The Group of Twenty» / G20) немесе «Үлкен жиырмалық» - бұл әлемнің жетекші экономикаларын 19 елді және Еуропалық одақты қамтитын халықаралық форум болып табылады. G20 әлемнің жалпы 90% ЖІӨжәнеәлемдік сауданың 80%, сондай-ақәлем халқының

2/3 бөлігін қамтиды.

G20 1999 жылы әлемнің дамыған жетекші және дамушы экономикалары арасында қаржылық және экономикалық саясат, халықаралық қаржылық тұрақтылықты ынталандыру мен ұжымдық шешімдер қабылдау мәселелерін зерделеу және консультациялар жүргізу мақсатында құрылған болатын.

Кездесудің күн тәртібіңде G20 сауда тетіктерін және инвестицияларды нығайту, көпжақты сауда жүйесін қолдау, инвенстициялық саясат аясында ғаламдық сауданы өсіруге ықпал ету мен ғаламдық ынтымақастықты үйлестіру, инклюзивті (кеңінен қамтитын) және үйлесімді ғаламдық құн құрау желісін ілгерілету, сондай-ақ G20 Сауда және инвестициялар бойынша жұмыс тобының баяндамалары тыңдалды.

Айтылған кездесудің алдында 2016 жылғы 6-7 шілдеде Шанхай қаласында G20 Сауда және инвестициялар бойынша жұмыс тобының отырысы өткізіліп, онда G20 Сауда министрлерінің кездесуінің қорытынды құжаттарының жобалары бекітілді. 
G20 Сауда министрлерінің кездесуіне қазақстандық тарапты Қазақстан Республикасы Ұлттық экономика вице-министрі Скляр Роман Васильевич басқарды.

2016 жылғы қаңтардан бастап G20-ғы төрағалық Түрік Республикасынан Қытай Халық Республикасына (ҚХР) өткізілген болатын. ҚХР-ның төрағалығы кезеңінде G20 алаңында Қытайда және одан тыс жерлерде бірқатар іс-шарлар өткізу жоспарланған және осы эстафетаның қорытынды мәресі 2016 жылғы 4-5 қыркүйекте Ханчжоу (Чжэцзян провинциясы) қаласында өткізілетін G20 Мемлекет басшыларының саммиті болады. G20 қорытынды іс-шарасына қатысу үшін Қазақстан Республикасы Президенті Назарбаев Нұрсұлтан Әбішұлы шақырылған.

Үстіміздегі жылы Қазақстан G20 мәжілістеріне шақырылған ел екенін ескеру қажет.