• Басты
  • Жоғары Сот судьялары Қазақстандағы сот төрелігін жетілдіру туралы семинарға қатысты

Жоғары Сот судьялары Қазақстандағы сот төрелігін жетілдіру туралы семинарға қатысты

11 Шілде, 2016 16:43
Жоғары Сот судьялары Еуропалық Одақтың «Қазақстандағы әділсотты жетілдіру» жобасымен бірлесе отырып ұйымдастырылған тренингке қатысты, деп хабарлады Жоғарғы соттың баспасөз қызметі.

Аталмыш жоба NI-CO халықаралық ұйымымен, Ұлыбритания Министрлігімен, Нидерланд пробация қызметімен және Сот жүйесі және мемлекеттік прокуратура ұлттық мектебімен (Польша) жүзеге асырылады.

Тренингтің негізгі мақсаты судьяларды белсенді топтарда сабақ беруде қажетті дағдыларға, ересек аудиториямен жұмыс істеу ерекшеліктеріне үйрету болды. 

«Аталмыш іс-шараның өзектілігі мен уақтылылығы Жоғары Сот судьяларының көбі Жоғары Сот жанындағы Әділсот академиясында өткізілетін судьялардың біліктілігін арттыру курстары шеңберінде сабақ беру үдерісіне, сонымен қатар мамандандырылған магистратурада болашақ судьяларды даярлау үдерісіне жұмылдырылғанымен түсіндіріледі», - делінген хабарламада.

Тренинг барысында халықаралық сарапшылар, кәсіби оқыту жөніндегі кеңесшілер Томас Паттерсон мен Стивен МакКракен қатысушыларды ересектерге сабақ берудің психологиялық ерекшеліктерімен таныстырды, жаттықтырушы жұмысының дағдыларын, сабақ беру стильдеріне, өзін өзі ұстау әдіс-тәсілдеріне үйретті.

Тренинг қатысушылары нақты оқу сабағының мақсаттарын құруды, тиісті көрнекті құралдардың, материалдар мен жабдықтардың көмегімен сабақ жоспарын әзірлеуді, сабақтарды интерактивті режимде өткізуді және конструктивті кері байланысты қамтамасыз етуді үйренді.   

Тренинг барысында алынған құзыреттіліктер сабақ беруге қажетті  кәсіби білім мен дағдыларды дамытуға септігін тигізеді.

Тренинг аяқталғаннан кейін судьяларға тиісті сертификаттар берілді.

Барлық жаңалықтар