• Басты
  • Британдық музейде сақ алтыны көрмесін өткізу жоспарланған

Британдық музейде сақ алтыны көрмесін өткізу жоспарланған

11 Шілде, 2016 13:08
Ұлттық музей Британдық музейде сақ алтыны көрмесін өткізу туралы келіссөздер жүргізуде, деді Ұлттық музей директорының орынбасары Абай Сатыбалдин ОКҚ брифингінде.

«Ұлттық музей ашылған сәтінен бастап жетекші музейлермен, ғылыми-зерттеу институттарымен ынтымақтастық орнатуда. Біз ірі музейлермен, Эрмитаж, Орыс музейі, Британдық музей  және Қытайдың Ұлттық музейімен ынтымақтастық орнатып жатырмыз», - деді ол.

Оның айтуынша, музей сақ алтыны көрмесін өткізу  бойынша келіссөздер жүргізуде.

«Олар бұл бастаманы өздері ұсынды. Шара осы жылдың соңына немесе 2017 жылдың басына жоспарланған. Сондай-ақ, Эрмитажда көрмелерді ұйымдастыру жағдайы қарастырылуда. Өткен жылы Эрмитаж күндері ұйымдастырылды. Келер жылы Санкт-Петербургтағы Эрмитажда Алтын адам көрмесін ұйымдастыруды жоспарлап отрымыз», - деді ол.

Ботагөз Айтжанова

Барлық жаңалықтар