Тараздың халықаралық әуежайында Ресей мен Тәжікстанға шығатын тұрақты рейс ашылды (ФОТО)
11 Шілде, 2016 12:49
9 шілдеден бастап Тараз қ. «Әулие ата халықаралық әуежайы» АҚ Тәжікстан Республикасы мен Ресейге тұрақты рейс ашылды.
Жамбыл облысының әкімдігінде хабарлағандай, «Ходжанд-Тараз-Ходжанд», «Сургут-Тараз-Сургут» атты алғашқы жолаушылар рейсі болды.
«Сонымен бірге, ағымдағы жылдың 10 шілдесінен бастап «Нижневартовск -Тараз- Нижневартовск» және «Түмен-Тараз-Түмен» бағыттар бойынша тұрақты рейс ашылды»,-деп хабарламада айтылған.
Қазіргі күні «Әулие ата» әуежайы жұмасына «Тараз-Астана-Тараз» хабарламасымен «SCAT» және «Эйр Астана» авиакомпаниясының 6 рейсін қабылдайды.
Естерінізге сала кетейік, 2013 жылдан бастап мемлекеттік-жеке меншік әріптестік негізіндеи «Әулие ата» әуежайын жаңғырту бойынша инвестициялық бағдарлама жүзеге асырылды. Оның бюджеті 7,4 млрд теңгені құрады, оның ішінде 2,8 млрд теңгесі жеке инвестиция.
