Б.Сағынтаев Байқоңыр кешені жөніндегі Қазақстандық-ресейлік үкіметаралық комиссияның отырысына қатысты
Комиссия мүшелері ҚР мен РФ президенттері Нұрсұлтан Назарбаев пен Владимир Путиннің тапсырмасы бойынша Байқоңыр кешеніндегі алдағы ынтымақтастықтың Тұжырымдамасы жобасын әзірлеу барысын талқылады, ол Қазақстан мен Ресейдің кешенді екі мемлекеттің мүддесіне қарай сақтау, дамыту және пайдалану бойынша алдағы өзара іс-қимылдың жолдарын қарастырады.
Отырыс қатысушылары сондай-ақ «Байқоңыр» кешенінің жұмыс жасауы және бірлескен жобаларды жүзеге асыру, атап айтқанда «Бәйтерек» ғарыштық зымыран кешенін құрудың өзекті мәселелерін қарады.
Бұдан өзге, Байқоңыр қаласын дамытуға қатысты мәселелер, оның ішінде оның инфрақұрылымын, сумен қамту жүйелерін, газдандыруды, медициналық қызмет көрсетуді жетілдіру талқыланды.
Кездесу қорытындысы бойынша тараптар Қазақстан мен Ресей «Байқоңыр» кешенін бірлесіп пайдаланудағы және ғарыш саласындағы ынтымақтастықты одан әрі тереңдетуге ниетті екендерін баса айтты.
