Қазақстанда жалға берілетін жерлерге мониторинг енгізу қажет – АШМ (ФОТО)

«Қолданыстағы заңнамада жалға берілуі мүмкін жерлердің шекті мөлшері белгіленбеген. Жерді жалға беру конкурс арқылы, жалпы ережемен жүргізіледі. Яғни, қолданыстағы заңнамада жерді жалға берудің ашықтығы қамтылмаған. Сондықтан да, халықтың жер бөлуге қатысты шараларға наразылығы бар. Осыған байланысты ауыл шаруашылығы жерлерін 49 жылға жалға беру шарттарын сақтай отырып, оның тиімділігіне мониторинг жүргізуді ұсынамыз. Бұл ретте мониторинг жерді нысаналы мақсатына пайдалануын қарастырады, топырақтың құнарлылығын сақтау және ластануына жол бермеуді тексереді. Сонымен қатар, жерді қорғау жөніндегі шаралар жүргізіліп, жерді тиімді пайдалануы бағаланады»,- деді Е. Нысанбаев.

Оған қоса, Жер кодексіне  жаңа бап енгізу ұсынылып отыр, ол ауыл шаруашылығы жерін жалға берудің тәртібін жүзеге асырады. Ауыл шаруашылығы жерлерін тек конкурс арқылы жалға беруді ұсынамыз. Оның ережесін орталық мемлекеттік органдар бекітеді. 

«Сондай-ақ, , министрлік ауыл шаруашылығы жерлерін жалға беру бойынша конкурс өткізудегі әкімдіктердің іс-әрекеттері де нақтыланбақ.  Айталық, әкімдіктер конкурсқа шығарылатын жер учаскелерінің тізімін анықтап, жердің жалдау ақысының мөлшерін нақтылайды, конкурс өткізудің мерзімдерін белгілейді», - деді вице-министр.

Е.Нысанбаев Қазақстанда жалға берілетін жерлерге мониторинг енгізу қажет екендігін жеткізді.