• Басты
  • Алғаш рет полиграфта шақыруға жауаптыларды тексерді
9 Шілде, 2016 11:58

Алғаш рет полиграфта шақыруға жауаптыларды тексерді

Қазақстанның Қарулы Күштерінде алғаш рет шақыруға жауапты қорғаныс істері жөніндегі аумақтық органдары әскери қызметшілерінің полиграф аппаратында тексерілуі жүргізілді, деп хабарлады Қорғаныс министрлігінің баспасөз қызметі.
Алғаш рет полиграфта шақыруға жауаптыларды тексерді

Бүгінгі күні елімізде көктемгі шақыру науқаны толығымен аяқталған кезде Астана және Ақмола облысының жергілікті әскери басқару органдарының келісімшарт және шақыру бойынша әскери қызметке іріктеу бөлімшелерінің 20-ға жуық әскери қызметшісі тексерілді. Тексеріс белгіленген режімде өтті. Сауал қойылғандарға оң жауапты қажет ететін сұрақтар қойылды.

Қазіргі уақытта алынған нәтижелер мамандармен өңделуде. Полиграфологтар қолданылатын алгоритмге сәйкес жауаптарды талдайды. Мұндай практика Қазақстанның Қарулы Күштерінде алғаш рет енгізіліп отыр. Осы жылдың соңына дейін арнайы кесте бойынша полиграфта еліміздің барлық өңірлеріндегі шақыруға жауаптылар тексерілетін болады. Полиграф заңға қайшы іс-әрекеттің жүзеге асуын алдын алады, сонымен бірге, аталған бағытта жасалған қылмысты әшкерелеуге септігін тигізеді деп күтілуде.

Сонымен бірге, қазіргі кезде әскери қызметке шақыруды тиісті өңір әкімі орынбасарының басшылығымен тек шақыру комиссиясы жүзеге асыратынын айта кету қажет. Әкім комиссия құрамын тағайындайды. Оған денсаулық сақтау, ішкі істер, білім, қоғам ұйымдарының, Ұлттық қауіпсіздік комитетінің өкілдері енгізіледі. Әскери қызметшілер бір лауазымдық тұлға ретінде ұсынылған.

 

 

 

Барлық жаңалықтар