• Басты
  • Ақтөбеде «Болашақ» стипендиаттары Қауымдастығының өкілдігі ашылады (ФОТО)
9 Шілде, 2016 11:04

Ақтөбеде «Болашақ» стипендиаттары Қауымдастығының өкілдігі ашылады (ФОТО)

Ақтөбеде «Болашақ» стипендиаттары Қауымдастығының өкілдігі ашылады. Бұл туралы Ақтөбе облысы әкімінің орынбасары Асқар Шериязданов пен «Болашақ» халықаралық бағдарламасы түлектерінің қатысуымен өткен дөңгелек үстел барысында белгілі болды.
Ақтөбеде «Болашақ» стипендиаттары Қауымдастығының өкілдігі ашылады (ФОТО)

Бейресми кездесу Қазақстан Тәуелсіздігінің 25 жылдығына орайластырылған болатын. Оған «Болашақ» бағдарламасының Ақтөбе облысынан шыққан 40 түлегі қатысты.

Облыс әкімінің орынбасары Асқар Шериязданов «Болашақ» бағдарламасы еліміздің кадр әлеуетін қалыптастырып келеді, өңір басшылары ақтөбеліктердің әлемнің озық университеттерінде алған білімдері республиканың, оның ішінде Ақтөбе облысының да дамуына бағытталатынын атап өтті.  

“Бүгін біз сіздермен ынтымақтасып, жұмыс істеу жолдарын белгілеу үшін бас қосып отырмыз. Мүмкін сіздерге өз әлеуетеріңізді айқындауға билік тарапынан көмек керек болар, біз өз кезегінде бағдарлама түлектерін облыс дамуының әлеуметтік және экономикалық дамуына белсенді түрде жұмылдырсақ дейміз”, - деп атап өтті Асқар Шериязданов.

Оның айтуынша, алға қойылған мақсаттарды жүзеге асыру үшін Ақтөбеде ҚР Президентінің «Болашақ» халықаралық бағдарламасы стипдениаттарының қауымдастығы ашылады. Оған Ақтөбе облысы туризм және сыртқы байланыстар басқармасының қазіргі басшысы Ермек Кенжеханұлы жетекшілік ететін болады.  

«Халықаралық бағдарламалар орталығы» АҚ мәліметтері бойынша, 2005 жылдан бері «Болашақ» стипендиясы Ақтөбе облысының 291 тұрғынына берілген. Қазіргі таңда әлемнің жетекші университеттерінде, әсіресе АҚШ пен Ұлыбританияда «Болашақ» бағдарламасы бойынша 34 ақтөбелік білім алып жатыр.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды