Т. Дүйсенова: Еңбекақының уақытылы төленбеуі - еңбек дауларын тудыруда негізгі себептердің біріне айналады

«Тіркелген еңбек дауларының динамикасы ағымдағы жылы 4 жағдайға төмендегендігін көрсетеді, ал 2013 жылы осы кезеңде ол 28 жағдайға жеткен. Сонымен қатар, еңбек даулары көп жағдайда жалақының уақыты төленбеуінен туындайды. Оған мемлекеттік еңбек инспекторларының жүргізген тексеріс жұмыстары дәлел бола алады»,-деді Т.Дүйсенова.  

Осылайша, мемлекеттік еңбек инспекторлары жүргізген 4 мыңнан астам тексерулер барысында 6 мыңға тарта еңбек заңнамасын бұзушылықтар анықталды. Оның ішінде 29 пайызы еңбек жалақысын төлеу мерзімінің бұзылуына қатысты болып табылады

«Егер жалақы бойынша салалық құрылымның қарыздарын қарастыратын болсақ, онда барлық қарыздың 46 пайыз сомасы өнеркәсіптік кәсіпорындарға жатады, 17 пайыз – қызмет көрсету саласына, 16 пайыз – құрылыс кәсіпорындарына. Сонымен қатар, қарыздың болу себебі, ол кәсіпорындардағы экономикалық проблемалардың болу салдарынан. Ол дегеніміз өнімдердің сатылмауы, тапсырыстардың болмауы және кәсіпорынның қаржылық жағдайының нашарлауы, кәсіпорындарда айналмалы қаражаттың болмауы, тауарды жеткізушілер мен тапсырыс берушілер арасындағы төлемнің болмауы»,-деп толықтырды министр.  

Ботагөз Айтжанова