Қ.Бишімбаев: Халықтың әлеуметтік әлсіз бөлігі сатып алу құқығынсыз жалдамалы баспанамен қамтылады
«Халықтың әлеуметтік әлсіз бөлігі сатып алу құқығынсыз жалдамалы баспанамен қамтылады, бұл жұмыс күші қозғалысын шапшаңдатпақ. Елбасының тапсырмасы аясында биылғы жылдың 10 ақпанында «Бәйтерек» ҰБХ» АҚ сатып алу жолымен жалдамалы баспана құрылысын бастады. Оған Ұлттық қордан қаражат бөлінген, қаржы 20 жыл ішінде қайтарылады», -дейді Қ.Бишімбаев.
Министр құрылыстың нысаналы бағытын сатып алу құқығынсыз баспана құрылысына өзгертіп, бөлінген қаражатты қайтару мерзімін 60 жылға дейін ұзартуды ұсынды.
«Премьер-министр мақұлдаған жағдайда министрлік ҰҚБК-нің хаттамасына өзгерістер енгізу бойынша тиісті жұмыстарды атқарады. Елбасының тапсырмасына сәйкес, «Самұрық-Қазынадан» бөлінген 97 млрд теңгені 2018 жылы кредиттік тұрғын үй құрылысына бағыттау ұсынылуда. Сонымен қоса, инженерлік-коммуникациялық инфрақұрылымды жеткізу арқылы жеке тұрғын үй құрылысын қолдау шаралары одан әрі жалғасатын болады. Қазіргі кезде тұрғын үй құрылысының жаңа бағдарламасы әзірленуде. Кәрім Қажымұқанұлы, Сіздің қарауыңызға 19 шілде күні ұсынамыз», - деп түйіндеді Ұлттық экономика министрі.
Ботагөз Айтжанова
