ҚР ҰЭМ: 2015 жылы БЖК мен ЖҚЖК аясында 12 млрд теңгенің шағын несиесі берілді

«Бүгінгі күні барлық көздер есебінде 120,2 млрд теңгенің 556 мың шағын несиесі берілді, оның ішінде кәсіпкерлік мақсатта 64,6 млрд теңгенің 138 мың шағын несиесі берілді. Сонымен қатар, шағын несиенің 90 пайызы қалалрда қолжетімді болып келеді. Шағын несиелер мемлекеттік қолдау ретінде БЖК мен ЖҚЖК аясында таныстырылады және көп жағдайда ауылдық жерлерге бағытталған, ал ірі қалалрда шағын несие берілмейді. Барлығы БЖК мен ЖҚЖК аясында 2015 жылы 12 млрд теңгенің 6 400 шағын несиесі берілді»,-деді Қ.Бишимбаев.  

Министрдің айтуынша, осы бағдарламадағы бағыттар көп жағдайда бірін бірі қайталайды, ауыл мен қала бойынша бірыңғай оператор анықталмаған және оның нәтижелігіне мониторинг жұмыстары жасалмайды.

«Құралдар бойынша мысал келтіре кететін болсам, «Даму» АҚ-мен жұмыс орындарын құру, шығарылған өнімнің көлемін, төленетін салық бойынша нақты статистиканы білеміз. Ал, шағын несие бойынша бұндай есептік жұмыс жүргізілмейді. Өз кезегінде, Жұмыспен қамту 2020 жол картасы аясында шағын несиенің шамамен 90 пайызы ауылдық жерлерге беріледі. Осыған орай, аталмыш құрал жаңа ауыл шаруашылығы саясатына сай келеді»,-деді министр.

Мемлекет басшысының тапсырмасына орай: қалаларда шағын несиелендіруді кеңейту, екінші деңгейлі банктің инфрақұрылымын қолдану; Агробизнес 2020 немес ЖҚЖК 2020 аясында ауылдық жерлерде шағын несие бойынша операторларды анықтау және «Даму» АҚ арқылы қалалық жерлерде.

Сонымен қатар, «Даму» АҚ базасында шағын несиелік кепілдік жасайтын бағдарламаны іске қосу.

Ботагөз Айтжанова