ОҚО-да Тәуелсіздіктің 25 жылдығына арналған мүмкіндігі шектеулі балалардың көрмесі өтті

8 Шілде, 2016 13:47

Облыстық жастар саясаты мәселелері жөніндегі басқармасының «Жастар ресурстық орталығы» КММ-нің ұйымдастыруымен ҚР Тәуелсіздігінің 25 жылдығына орай «Әлем балалардың көзімен!» атты мүмкіндігі шектеулі жастарға арналған шығармашылық көрме-байқауы ұйымдастырылды, деп хабарлады ОҚО Жастар саясаты мәселелері жөніндегі басқарманың баспасөз қызметі.

Іс-шараның мақсаты - мүмкіндігі шектеулі дарынды да өнерлі балалар мен жасөспірімдерді анықтау, олардың шығармашылығына қолдау көрсетіп насихаттау, оларға бағыт-бағдар беріп, өмірге деген құштарлығын арттыру, қоғам өмірінің барлық салаларында мүмкіндіктері шектеулі адамдардың шығармашылық әлеуетін дамытуға және өзін-өзі танытуға жәрдемдесу болып табылады.

Шараға аудан, қалалардағы шығармашылыққа бейім, бейнелеу өнеріне қызығушылығы жоғары, мүмкіндігі шектеулі 50 шақты жастар қатысты.

Шараға қатысушы жастар шығармашылық көрменің арнайы ережесіне сәйкес, Ел Тәуелсіздігінің 25 жылдығы мен Ел ордасы – Астана қаласының күніне орай, сурет салып, өз шығармашылық қабілеттерін көрермен назарына ұсынды.

Үздік деп танылған суретші жастар бағалы сыйлықтармен, қатысушы жастар арнайы ынталандыру сыйлықтарымен марапатталып, үздік деп танылған 5 шығарма иегерлері Астана қаласына 3 күндік тегін экскурсияға жолдама алды.

Барлық жаңалықтар