Ақтөбеде теміржол вокзалында жолаушыларға қызмет көрсету сапасы тексерілді

8 Шілде, 2016 12:43

Ақтөбеде теміржол вокзалындағы көшпелі кеңес барысында вокзалдардағы қауіпсіздікті қамтамасыз ету, көлік қолжетімділігі және жолаушыларға қызмет көрсету сапасын арттыру мәселелері талқыланды, деп хабарлады ведоствоның бапсасөз қызметі.

Кеңесті ҚР ИДМ Көлік комитетінің төрағасы Ә.А. Асавбаевтың төрағалық етуімен Ақтөбе облысының мемлекеттік органдарының, «Қазақстан темір жолы» ҰК» АҚ, «Вокзал-сервис» АҚ және «Жолаушылар тасымалы» АҚ өкілдерінің қатысуымен өтті.

Сонымен қатар, ҚР Инвестициялар және даму министрлігі еліміздің барлық теміржол вокзалдарында заңсыз араласу актілерінен қорғанысты арттыруға бағытталған жұмысты кезең-кезеңмен жүргізуді жоспарлаған.

Бұдан басқа, Ақтөбедегі кеңесте теміржол вокзалын «Теміржол вокзалдарында жолаушыларға қызмет көрсету» Ұлттық стандарт талаптарына сәйкестігін қамтамасыз ету мәселесі қаралды. Кездесу нәтижесі бойынша қозғалысы қиын адамдар үшін вокзалдың қолжетімділігін толық қамтамасыз етуге ұсынымдар берілді.

Жалпы алғанда, Ақтөбе вокзалында күрделі жөндеу жұмыстары 2015 жылы аяқталғанын ескерсек, қызмет көрсететін персоналға, күту залдарына, вокзал маңы аумағына, қызметтік-техникалық бөлмелерге және вокзал комплексін ақпараттық жабдықтандыруға арналған талаптар қанағаттанарлық деңгейде қалып отыр.

ҚР ИДМ Көлік комитеті вокзалдарда проблемалық мәселелерді талқылау кеңестерін тұрақты түрде өткізіп тұрады.

Анықтама:

2012 жылдан бастап, Күрделі жөндеу бағдарламасы іске асуда, оның аясында 136 теміржол вокзалында мүмкіндігі шектеулі адамдар үшін қолжетімділікті қамтамасыз ету бойынша жұмыс жүргізілді:

91 вокзалда мүгедектер үшін билет кассалары қайта жабдықталды;

- 210 вокзалда қиын кірілетін жерлерде пандустар салынды;

- 33 вокзалда арнайы туалеттер жабдықталды;

- 30 вокзалда нашар көретін адамдардың ыңғайы үшін жоғарғы және төменгі саты баспалдақтары сары түске боялды