• Басты
  • Қазақстанның Грузиядағы Елшілігі Наурыз мейрамына орай салтанатты шара өткізді
26 Наурыз, 2013 00:00

Қазақстанның Грузиядағы Елшілігі Наурыз мейрамына орай салтанатты шара өткізді

Кеше Тбилисидегі Courtyard by Marriott қонақүйінде Қазақстан Республикасының Грузиядағы Елшілігі Наурыз мейрамына орай салтанатты қабылдау ұйымдастырды.
Қазақстанның Грузиядағы Елшілігі Наурыз мейрамына орай салтанатты шара өткізді

Шараға елдегі ресми тұлғалар, іскерлік және қоғамдық орта өкілдері, Грузияда аккредиттелген шетелдік дипломатиялық миссия басшылары, сондай-ақ грузин жерінде тұрып жатқан қазақ диаспорасы мүшелері қатысты.

Грузия Сыртқы істер министрінің орынбасары Давид Джалагания 20 жыл ішінде Астана мен Тбилисидің дипломатиялық қарым-қатынастарда қол жеткізген жетістіктеріне тоқталды. Президент Н.Назарбаевтың басшылығымен Қазақстанның толағай табыстарға жеткенін атап өткен ол Наурыз мейрамын тойлау игі дәстүрге айналып келе жатқанын да тілге тиек етті.

Еліміздің Грузядағы сенімді өкілі Әділ Тұрсынов ҚР Президенті - Елбасы Н.Ә.Назарбаевтың «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауының маңызды бағыттарымен таныстырып, жиналғандарды жыл басымен құттықтады.

Салтанатты шара барысында Грузияның мемлекеттік симфониялық оркестрі «Назқоңыр», «Дударай», «Қызыл бидай», «Маусымжан», «Бір бала», «Үшқара», «Қараторғай», «Көзімнің қарасы», «Қосалқа», «Қазақ вальсі» қазақтың туындыларын орындады. Сонымен қатар Қазақстан жөнінде фотокөрме ұйымдастырылып, бейнефильм көрсетілді.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды