• Басты
  • Қазақстан халқы Ассамблеясы барлық этностың мүддесін нығайтты – «Оберег» украин бірлестігі

Қазақстан халқы Ассамблеясы барлық этностың мүддесін нығайтты – «Оберег» украин бірлестігі

7 Шілде, 2016 19:23
Қазақстан халқы Ассамблеясы барлық этностың мүддесін нығайтты, заңды мүлтіксіз сақтауды және этникалық және діни сеніміне қарамастан барлық азаматтардың еркіндігін қамтамасыз етті, деді «Оберег» украин қоғамдық бірлестігінің төрағасы Тамара Ширмер «Strategy2050.kz» ақпарат агенттігіне берген эксклюзивті сұқбатында.

«Тәуелсіздіктің алғашқы күінен бастап Мемлекет басшысы Нұрсұлтан Назарбаев біздің жерімізде бейбітшілік пен тыныштықтың сақталуына ерекше мән беріп келеді. Республиканың барлық жетістіктерінде бірегей қоғамдық институт – Қазақстан халқы Ассамблеясының үлесі бар. Ал, мемлекет Қазақстанда тұратын барлық этнос өкілдерінің дәстүрлері мен мәдениеттерінің сақталуына барлық жағдайды жасап отыр. Бүгін достық, сенім, ниеттестік сияқты құндылықтар әр қазақстандық үшін жақсы әдетке айналған»,-деді Т.Ширмер.

Ол атап өткендей, осындай жақсы дүниелер Қазақстан халқы Ассамблеясы қызметінің арқасында мүмкін болып отыр.

«Этносаралық мәселелер бойынша қоғамдық институт құру идеясын 1992 жылы Мемлекет басшысы алғаш рет айтқан болатын. 1995 жылдың наурыз айында өткен Қазақстан халқының алғашқы форумында Қазақстан Республикасының Президенті жанындағы жаңа консультативті-жиналыс органы құрылды. 21 жылда Ассамблея мемлекеттік саясаттың сәтті жүзеге асуында маңызды құралға айналды»,-деді Т.Ширмер.

Оның пікірінше, өзінің құрылған уақытынан бері парламенттік институтты алмастырған емес.

«Сонымен қатар, этникалық топтарға қадағалау жасайтын бюрократтық институтқа айналған жоқ. Керісінше, барлық этностың мүддесін нығайтатын, заңды мүлтіксіз сақтауды және этникалық және діни сеніміне қарамастан барлық азаматтардың еркіндігін қамтамасыз ететін басты институтқа айналды»,-деп атап өтті Т.Ширмер.

Ботагөз Айтжанова

Сурет Азамат Алиевтікі

Барлық жаңалықтар