Мәжіліс депутаттары шығысқазақстандықтармен Ұлт жоспарын жүзеге асыруды талқылады

Бақытжан Ертаев пен Евгений Козлов ең алдымен «Нұр Отан» партиясының облыстық филиалында әділет саласының және ауған соғысы жауынгерлері өкілдерімен кездесті.  

Басқосу барысында Елбасы Н.Ә.Назарбаевтың «Қазақстан жаңа жаһандық нақты ахуалда: өсім, реформалар, даму» халықа жолдауы, «100 нақты қадам» Ұлт жоспары, «Мәңгілік ел» ұлттық идеясы тақырыптарында кеңінен сөз қозғалып, жүзеге асу деңгейіне көңіл бөлінді.   

Әрі қарай, Мәжіліс депутаты Евгений Козлов сайлаушылардың үйлерін аралап, өскемендіктері алаңдатып отырған мәселелер жайлы, сонымен қатар партияның сайлауалды бағдарламасының басты аспектілері жайлы сөз қозғады.

Бахытжан Ертаев болса осы күні Аягөз ауданындағы жаңадан салынып жатқан шағын ет комбинатының жұмысынмен танысып, өнім өңдеу мен өткізуде қандай мәселелер барына назар аударды.

 «Нұр Отан» партиясы фракциясының мүшесі Нұртай Сабильянов болса шілденің 5-7 күндері Аягөз ауданына қарасты  Майлин, Ақшатау, Ақшәулі, Бидайық, Мыңбұлақ, Өркен және бірнеше ауылда болып 400 ден астам ауыл тұрғындарымен кездесу өткізді. Мұндай кездесу теміржолшылар қауымымен де жалғасты. Барлық басқосуда Ұлт жоспары «100 нақты қадам»  бойынша атқарылуы тиіс бағыттарды әңгімелеп беріп, сайлаушылар тарапынан қойылған сұрақтарға жауап берді.   

 Аягөз тұрғындарымен кездесу кездерінде көтерілген сұрақтардың кейібірін атай кетсек. Олар: әлеуметтік-экономикалық мәселелерді шешу барысында кездесетін түрлі жағдайлар, жастарды жұмыспен қамту, игерілмей жатқан жер телімдерін қайта қарау, тері мен былғары өңдеу, зейнетақының төменгі деңгейін көтеру, мемлекет қаржысына салынып жатқан құрылыстарды қатаң бақылау, ауыз су және өзгелер. Осы сұрақтардың ішінде көпшіліктің көкейкесті мәселесі ретінде жолдарды күрделі жөндеуден өткізу болып табылғандай.