ШОБ аясында 5 ай ішінде Семейде 900-ден астам жұмыс орны құрылды

7 Шілде, 2016 17:52

Шағын және орта бизнестің қарқынды дамуы Семейдің дамуына оңтайлы әсер беруде. Осы салада 5 ай ішінде 900-ден астам жаңа жұмыс орны құрылды, қала бюджетіне 2,7 млрд теңге түсті.

Қазіргі күні Семейде шағын және орта бизнестің 3942 кәсіпорны, 27 мыңнан астам жеке кәсіпкерлер тіркелген. Қала әкімшілігінде хабарлағандай, ШОБ субъектілерінің өсімі, өнімді кеңейту мен жаңа жұмыс орындарын құру күтілуде, деп ШҚО ақпарат орталығы хабарлайды.

Кәсіпкерлікті дамыту «Бизнестің жол картасы 2020» бағдарламасын қолдау мен дамытуға сепкі болады. 2016 жылдың қаңтар айынан бастап жалпы сомасы 842,6 млн теңгенің 22 субсидия және кепілдіктің келісімшартына қол қойылды. Жобалар өндірістік, білім беру, денсаулық сақтау және әлеуметтік қызметтер, ауыл шаруашылығы, орман және балық шаруашылығында іске асырылды.

Сонымен қатар, «Даму-Өндіріс» бағдарламасы аясында Қазақстан Республикасының Ұлттық Қор қараджатынан 2014 жылдан бастап Семей қаласы бойынша екінші деңгейлі банкпен 7,5 млрд теңгенің 60 жобасы қайта қаржыландырылды.

Айта кететін жайт, кәсіпкерлік деңгейін арттыру үшін «Бизнестің жол картасы 2020» бағдарламаның төртінші бағыты аясында 5 ай ішінде «Бизнеес-кеңесші» бағдарламасы бойынша 115 адам оқытудан өтті. Сонымен бірге, Семейдің кәсіпкерлік бөлімімен экономиканың басым секторларында кәсіпкерлікті дамыту үшін құралдарды түсіндіру жұмысы жүргізілуде.

Барлық жаңалықтар