Инновациялар: СҚО-да бiрегей құрылыс материалын өндiретiн кәсіпорын ашылды

Ерекшелiгi жаңа құрылғыны жобалау мен жинауды зауыт қызметкерлерi өздерi жасаған. Негiзгi шикiзат — битумды сақтаудың да өз ерекшелiгi бар. Жаңғыртылған өндiрiстi ашқан облыс әкiмi Ерiк Сұлтанов өнiмнiң маңыздылығына тоқталды.

«Жақында индустрияландыру бағдарламасына енген жобаларды ашуға қатысқан Елбасы Нұрсұлтан Әбiшұлы Назарбаев «Бiздiң қызметiмiздiң басты мақсаты — халықты лайықты табыс деңгейiмен қамтамасыз ете алатын жұмыспен қамту iсi», — дегендi айтты. Жаңа цехтың ашылуы тауар түрiн көбейтiп қана қоймай, сапасын да жақсартып, экспортқа шығаруға мүмкiндiк бередi», — дедi Ерiк Сұлтанов.

«Блок» ЖШС бас директоры Казимир Богамедов аталған материалдың көп артықшылығы бар дейдi. Оның құрамына қирау мен бұзылуға төзiмдi берiк арматура енедi.

Сондай-ақ, бiрегей қасиетiне байланысты ризолин материалының қолданыс ауқымы кең. Ол iргетасты, шатыр мен жабындыларды, ғимарат қабырғасын, сонымен қатар, бассейн мен жер асты құбыр жолдарын гидрооқшаулау үшiн қолданылады. Желiмденетiн негiзiне сай оны ламинат пен паркеттiң астына төсеуге болады. Аталмыш материалдың артықшылығы қолдануға өте ыңғайлы. Ризолинмен кәсiби құрылысшымен қатар, қарапайым адам да оңай жұмыс iстей алады.

«Блок» ЖШС-де цехтың ашылуымен жұмыс орыны да артты. Зауыт қызметкерлерiнiң саны тағы 15 адамға толықты.

Өнiмнiң экспортқа шығуға мүмкiндiгiнiң болуы да үлкен жетiстiк. «Бiзде өнiмдi Еуропаға жеткiзуге мүмкiндiк беретiн еуропалық стандарттарға сәйкестендiру сертификаты бар», — дедi Казимир Абулович.

Компания өз тарихында көптеген электрооқшаулағыш түрлерiн өндiрдi. «Блок» ЖШС өнiмiн Қазақстан, Ресей, Украина, Беларусь мемлекетi және өзге де достастық елдерi танып, баға берiп үлгерген. Жақын арада бұл елдерде солтүсткiқазақстандық ризолин өнiмiнiң таралуы да ықтимал.