• Басты
  • ХКБ-ның Бас Ассамблеясында ЭКСПО-2017-ге дайындық бойынша есеп таныстырылды
27 Қараша, 2013 18:01

ХКБ-ның Бас Ассамблеясында ЭКСПО-2017-ге дайындық бойынша есеп таныстырылды

Қазақстандық делегация Парижде Халықаралық көрмелер бюросының (ХКБ) 154-ші Бас Ассамблеясына қатысып жатыр, деп Премьер-Министрдің ресми сайты хабарлады.

ХКБ-ның Бас Ассамблеясында ЭКСПО-2017-ге дайындық бойынша есеп таныстырылды | Strategy2050.kz

«Қазақстандық тарап Астанада ЭКСПО-2017 Халықаралық мамандандырылған көрмесін дайындау және өткізу барысы туралы есепті таныстырды», - делінген хабарламада.

ЭКСПО-2017 Халықаралық мамандандырылған көрменің комиссары – ҚР сыртқы істер министрінің бірінші орынбасары Рапиль Жошыбаев және «Астана ЭКСПО-2017» ҰК» АҚ басқармасының төрағасы Талғат Ермегияев ХКБ өкілдеріне ЭКСПО-2017 жобасының негізгі маңызды оқиғалары жайлы мәлімдеді. Олардың ішінде, көрме кешенінің үздік эскиз-идеясына халықаралық архитектуралық байқау өткізу, ЭКСПО жайлы заң жобасын әзірлеу, Тіркеу Құжаттамасын әзірлеу және бекіту, көрменің жаңа логотипін таңдау.

«ЭКСПО-2017 жоғары деңгейде өткізу – ұйымдастырушылық мәселелердің кең ауқымын қамтитын жалпы ұлттық тапсырма. Жауапты мемлекеттік органдар мен ұйымдар анықталды, олардың өзара іс-қимылы және жұмысының ықпалды схемасы жасалды», - деді Р.Жошыбаев және «көрмені ұйымдастыру мәселелері Мемлекет басшысы Нұрсұлтан Назарбаевтың ерекше бақылауында» екендігін атап өтті.

«Астана ЭКСПО-2017» ҰК басшысы Т.Ермегияев түсіндіргендей, ЭКСПО-2017 тақырыбы – «Болашақ энергиясы» төрт тақырыптық павильонда көрініс табады: «Энергия әлемі», «Өмірге арналған энергия», «Бәріне арналған энергия» және «Менің болашақ энергиям».

Т.Ермегияев сондай-ақ ЭКСПО-ны көрмеден кейін пайдалану Тұжырымдамасын таныстырды. «Ғылым және технология саябағы, Мәдениет және өнер орталығы, тұрғын жайлар мен қонақ үйлер, дүкендер, спорттық және ойын-сауық кешендері сияқты компоненттердің арқасында қаланың жаңа динамикалық бөлігі құрылады, ол Қазақстандағы Болашақ энергиясының орталығына айналады», - деп атап өтті Т.Ермегияев.

ХКБ Бас хатшысы Висенте Лоссерталестің пікірінше, «Қазақстан өткен жылы ЭКСПО-2017 өткізу құқығын жеңіп алған сәттен бастап үлкен позитивтік жұмыс атқарды».

«Қазақстан уақытылы дұрыс бағытта жылжып келеді. Тіркеу Құжаттамасына қатысты айтар болсам, келесі жылы ол мақұлданып, Қазақстан ЭКСПО-2017-нің аккредитивтелген қатысушысы ретінде өз жұмысын жалғастырады деген ойдамын», - деді В.Лоссерталес тілшілерге берген сұхбатында.

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды