Олимпиада чемпионы Евгений Плющенко қазақстандық балаларға шеберлік сабағын өткізуді жоспарлауда

6 Шілде, 2016 15:27

Әлемдегі алғышқы мәнерлеп сырғанаушы – төрт олимпиадалық медальдің иегері, үш дүркін әлем чемпионы, Европаның жеті дүркін чемпионы Евегний Плющенко қазақстандық балаларға шеберлік сабағын өткізуді жоспарлауда. Ол туралы спортшы Strategy2050.kz АА берген сұхбатында мәлім етті.

«Сіздерде спортқа үлкен көңіл бөледі. Мен сіздердің командаларыңыздың «Барыс» аренасын көрдім және ол үлкен мүмкіндік пен келешек беретініне сенімдімін. Ол жердің алаңы өте әдемі, үлкен, алдағы уақытта тек нәтиже көрсету ғана қалды. Менің ойымша, нәтиже болады. Керемет футбол алаңы, коньки тебетін алаң. Мен ол жерлерде болдым. Керемет. Маған ұнады»,-деді Е.Плющенко.

Сонымен қатар, спортшы сөз барысында кәсіби мәнерлеп сырғанау бойынша қазақстандық балаларға шеберлік сабағын өткізуді жоспарлап жатқандығын атап өтті. Оның айтуы бойынша, бұл ой қазақстандық балалардың «Қар патшасы-2» шоуына қатысқанынан кейін келді.

«Мен үшін қазақстандық балалармен жұмыс жасау мәртебе болды. Олар тез үйреніп кетеді. Олардың қазірден бастап үлкен спортшылармен сырғанауы, келешекте үлкен тәжірибе әкеледі. Олар қарайды, тез алып кетеді. Осындай тәжірибе бірнеше жылдан кейін оларға серпіліс береді. Мен осында шеберлік сабағы мен семинарлар өткізу бойынша Мәдениет және спорт министрлігімен сөйлескім келеді. Біз өзіміздің ұжымымзбен бірге жаттықтыра аламыз – олар хореографтар, жалпы физикалық дайындау бойынша жаттықтырушылар. Мен оларға қандайда бір бағыт бере аламын»,-деді Олимпиада чемпионы.

Айта кетейік, шеберлік сабағын осы жылдың қыркүйек айында өткізу жоспарланған.

Анар Тәңірқұлова