Семейде жыл соңына дейін 87 мың шаршы метр тұрғын үй пайдалануға беріледі
5 Шілде, 2016 19:21
2015 жылдың 5 айы ішінде Семей қаласында 20 мың шаршы метр тұрғын үй пайдалануға берілді. Жыл соңына дейін 87 мың шаршы метр немесе 560 пәтер беру жоспарланған, деп қала әкімі Ермек Салимов мәлім етті.
Оның айтуы бойынша, олардың ішінде жалға алатын, несиелік тұрғын үй және жеке тұрғын үй құрылысы бар. 5 көпқабатты үйдің құрылысымен жеке салушылар айналысуда.
«Семей қаласында Қарағайлы жаңа шағын ауданы құрылғаннан кейін тұрғын үйге деген кезек қысқарады. Бұл жерде 80-нен астам көпқабатты үйлердің, мектептердің, 120 орынды оңалту орталығы, 7 жатақхананың, әкімшілік корпусы бар медицианалық академияның, қазақ-түрік лицейінің, балабақшалардың құрылысы қарастырылуда»,-деді әкім.
Сонымен қатар, 2015 жылы телекоммуникация, санитария, жылу, электр және сумен қамтамасыз ету құрылысына арналған 5 жоба әзірленген.
