Қызылордада апаттық жағдайдағы үйлердің тұрғындарына арналған көпқабатты тұрғын үйдің құрылысы басталды (ФОТО)

Бүгінгі күні Қызылорда қаласы бойынша тұрғын үйі апаттық деп танылған 275 отбасы үй кезегіне алынған. Соңғы үш жылда олардың кезегі екі есе қысқарды, деп Қызылорда облысының әкімдігінде хабарлайды.

Аймақ басшысы Қырымбек Көшербаев Жаппасбай батыр көшесіндегі үйлер кварталының сыртқы инженерлік желілерінің құрылысымен танысты. Жаппасбай батыр көшесінің бойынан Ұлттық қор есебінен 12 көппәтерлі тұрғын үй (580 пәтер) құрылысын жүргізу жоспарлануда.

Айта кетейік, Тұрғын үйлер кварталының жобасы мен сыртқы инженерлік желілерінің құрылыс жұмысына Ұлттық қордан 1,5 млрд теңге бөлініп, 33,2 шақырым сыртқы инженерлік желілердің құрылысы жүргізіле басталды. Атап айтқанда, 9,6 шақырым ауыз су жүйесі, 3,1 шақырым кәріз су жүйесі,6,1 шақырым электр желісі мен 4,4 шақырым газбен қамту жүйесі,1,0 шақырым телефон желісі және 1,9 шақырым жылу жүйесін жүргізу жұмыстары жүргізлуде. Бұл жұмыстар толығымен 2016 жылдың IV тоқсанында аяқталады.