А.Гүл Н.Назарбаевты БҰҰ ҚК сайлауында Қазақстанның жеңісімен құттықтады
4 Шілде, 2016 18:27
Мемлекет басшысы Түркияның бұрынғы Президенті Абдулла Гүлмен телефон арқылы сөйлесті, деп хабарлайды Ақорданың баспасөз қызметі.
А.Гүл Қазақстан Президентін алдағы Ораза айт мейрамымен және Астана күнімен құттықтады.
Сонымен қатар, ол БҰҰ Қауіпсіздік кеңесінің 2017-2018 жылдардағы тұрақты емес мүшелігі сайлауындағы Қазақстанның тарихи жеңісіне байланысты өз құттықтауын жеткізді.
Мемлекет басшысы түрік саясаткерінің екі ел арасындағы бауырластық байланыстарды нығайтудағы еңбегін жоғары бағалайтынын айтты.
