Астанадағы үй құрылысы комбинаты құрылыс нысанының 90%-н зауытта дайындауға мүмкіндік береді

4 Шілде, 2016 20:19

Толық циклді «GLB» үй құрылысы комбинаты «Астана – жаңа қала» АЭА индустриалды паркінде орналасқан. Ол құрылыс нысанының 90% зауытта дайындауға мүмкіндік береді, деп хабарлады «GLB» үй құрылысы комбинатының атқарушы директоры Дінмұхамед Құсайынов Strategy2050.kz ақпарат агенттігіне берген сұқбатында.

«Астананың индустрияландыру паркінде орналасқан үй құрылысы комбинаты 15 гектар жерге орналасқан және Австрия мен Германияда өндірілген жоғары технологиялы құрылғылармен қамтылып отыр. Зауыт жылына 250 мың шаршы метр құрылыс нысандарын қажетті өніммен қамтамасыз ете алатын қуатқа ие. Комбинат сондай-ақ жылына 130 000 текше метр темір бетон өнімдерін шығара алады»,-деп хабарлады Д.Құсайынов.

Оның айтуынша, кәсіпорында құрылыстың бірнеше түрі қарастырылған.

«Олар Инженерия тарту, қасбет әрлеу, терезе орнату барлығы қамтылғандықтан үй қысқа мерзiмде салынады. Яғни, толық панельді үй құрылысы 3-4 класстан 1-2 және еркін жобалаудан тұрады»,-деп түсіндірді ол.

Атқарушы директор толық циклді өндіріс 90% құрылыс нысандарын зауытта дайындауға мүмкіндік беретінін атап өтті.

«Айталық, баспалдақтардан бастап, лифт шахталарын, вентблоктар, ішкі және сыртқы қабырғаларды, жабу плиткаларын, жертөре орындарына дейін зауытта дайындалады және құрылыс алаңында ол тек жиналады. Яғни, үйдің 90% зауытта дайын болады»,-деді ол.

Айта кету керек, 2017 жылдың мамыр айында алғашқы тұрғын үй кешенін тапсыру жоспарлануда.

Анар Тәңірқұлова

Бейнетаспа Азамат Алиевтікі