«GLB» үй құрылысы комбинатында 480-нен астам жұмыс орыны құрылды (ФОТОРЕПОРТАЖ)

4 Шілде, 2016 15:27

Астанадағы «Астана – жаңа қала» АЭА индустриалды паркінде орналасқан «GLB» толық циклді Үй құрылысы комбинаты жұмыс істей бастады. Кәсіпорынның қуаттылығы жылына 250 мың шаршы метр тұрғын үй. Өндіріс көлемі бойынша елімізде бірінші орын алады және әлемдегі ірі үй құрылысы комбинаттарының бестігіне кіреді.

Зауыт 8 өндірістік цехтан тұрады. Сонымен қатар, ірі панельді және жинамалы қабырға құрылыстары үшін темір-бетон өнімдерінің толық жиынтығын шығарады. ӨндірістеГермания, Австрия және Италияның жоғарытехнологиялы құрылғылары қолданылады. «Цехтың үлкен бөлігі дайын. Өнімдерді шығарып жатырмыз. Айталық, баспалдақтардан бастап, лифт шахталарын, вентблоктар, ішкі және сыртқы қабырғаларды, жабу плиткаларын, жертөре орындарына дейін дайындаймыз. Бізде кәсіпорынды дамыту кезектері бар: бірінші кезекте біз негізгі өндірістерді қойдық, екінші, құрылғыларды алу арқылы қуаттылықты арттыру. Әлі іске қоспаған екі цех бар. Олар жабуға арналған қуыс плиталар және тротуар плика өнідірістері. Біз үй құрылыстары мен абаттандыруды өз материалдарымыздың есебінен жасауды жоспарлап отырмыз»,-деп хабарлады «GLB» үй құрылысы комбинатының атқарушы директоры Дінмұхамед Құсайынов кәсіпорынға жасалған арнайы пресс-тур кезінде.

Қазіргі уақытта кәсіпорында 483 адам жұмыс істеп жатыр. Зауыт толық қуатта жұмыс істеуге көшкен кезде жұмыс орыны 1200 адамға дейір артатын болады.

«Қазір бір аусымда 483 адам жұмыс істеп жатыр. Өндіріс көлемін өсірген сайын бірнеше аусымда жұмыс істеуге көшеміз. Осының есебінен жұмыс орыны да артатын болады»,-атап өтті ол.

Комбинаттың жоспары бойынша 2017 толық қуатта жұмыс істеуге кіріседі.

«Қазір біз өндірісті бастадық, сынақтан өттік, алғашқы үлгілерді шығардық. Жыл соңына дейін біз 70 мың шаршы метр тұрғын үй шегіне жетуді жоспарлап отырмыз. Өндіріс көлемін бірте-бірте ұлғайта беретін боламыз. 2017 жылдың мамыр айында бірінші тұрғын үй кешенін тапсыру жоспарлануда»,-деп ақпараттандырды атқарушы директор.

Атқарушы директор АЭА территориясынан зауыт салу жер тегін беріліп, барлық инфроқұрылым мемлекет есебінен жасалғанын атап өтті.