ЭКСПО-2017 өкілдері ОҚО-дағы көрмеге дайындық барысымен танысты
Компания өкілдері тарихи-танымдық және табиғи-экологиялық бағыттар бойынша 3 және 5 күндік арнайы туристік маршруттармен жүріп, жұ мыстардың барысын бақылады.
Сонымен бірге, облыстан іріктелген 100 еріктімен кездесу кеші өтіп, «ЭКСПО-2017» көрмесі барысындағы еріктілер қызметінің маңыздылығы бойынша жастармен сұхбаттасу жүргізілді.
«Күнгейге саяхат кезінде компания өкілдері «ЭКСПО - 2017» халықаралық көрмесін жарнамалау және алға жылжытуға арналған аудан, қалаларда орналасқан билбордттар, жергілікті телеарналардан бейне роликтерді трансляциялау жұмыстары мен баспа беттерінде мақалалар жариялау жұмыстарына талдау жүргізді», - делінген хабарламада.
Сондай-ақ, облыс әкімі Б.Атамқұловтың бастамасымен ашылған «Ontustik tourism center» ақпараттық туристік орталығының «ЭКСПО - 2017» халықаралық көрмесі қарсаңында туристерге ақпараттық қызмет көрсететін, сервистік қызмет саласын дамыту және туристік іс-шаралар ұйымдастыру жұмыстарымен танысты.
